"Khutbah Jumat sakmangken mertelaaken bilih Gusti Allah soho Malaikat Maos Sholawat Dumateng Kanjeng Nabi Muhammad."
KHUTBAH
Khutbah Jumat Bahasa Jawa: Maos Sholawat Dumateng Kanjeng Nabi Muhammad
اَلْحَمْدُ لِلَّهِ الَّذِيْ لَهُ الْحَمْدُ كُلُّهُ وَ لَهُ الْمُلْكُ كُلُّهُ وَ بِيَدِهِ الْخَيْرُ كُلُّهُ وَ إِلَيْهِ يَرْجِعُ الْأَمْرُ كُلُّهُ وَأَشْهَدُ أَنْ لَاإِلَهَ إِلَّا اللهُ وَحْدَهُ لَاشَرِيْكَ لَهُ فِيْ ذَاتِهِ وَ أَسْمَائِهِ وَصِفَاتِهِ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ أَفْضَلُ مَخْلُوْقَاتِهِ أَللَّهُمَّ صَلِّ وَسَلِّمْ وَ بَارِكْ عَلَى سَيِّدِنَا مُحَمَّدٍ وَ عَلَى أَلِهِ وَ أَصْحَابِهِ الْمُقْتَدِيْنَ بِهِ فِيْ كُلِّ حَالَاتِهِ. أما بعد
فَيَا عِبَادَاللهِ أُوْصِيْكُمْ وَنَفْسِيْ بِتَقْوَى اللهِ وَتَزَوَّدُوْا فَإِنَّ خَيْرَالزَّادِ التَّقْوَى فَقَالَ اللهُ عَزَّ مِنْ قَائِلٍ: يَا أَيُّهَا الَّذِيْنَ آمَنُوْا اتَّقُوا اللهَ وَقُوْلُوْا قَوْلًا سَدِيْدًا يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَ مَنْ يُطِعِ اللهَ وَ رَسُوْلَهُ فَقَدْ فَازَ فَوْزًا عَظِيْمً
Hadirin Jamaah Jumat Rahimakumullah
Monggo kito tansah ningkataken raos takwo dumateng Gusti Allah kanti takwo sakestu, inggih meniko ngamalaken nopo mawon ingkang diperintahaken Gusti Allah serto nebihi sedoyo awisanipun. Ugi ngelampahi kesaenan lan nebihi perkawis ingkang awon.
Salah setunggale perintah ingkang kedah dipun lampahi nggih meniko moco sholawat soho salam ingkang keaturaken dumateng Kanjeng Nabi Muhammad, keluarga, sohabat serto sedoyo penderekipun. Gusti Allah dawuh :
إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا
Artosipun: Saktemene Gusti Allah lan malaikate podo moco sholawat dumateng Kanjeng Nabi. Hei wong kang podo iman, mocoho sholawat lan salam siro kabeh dumateng Kanjeng Nabi. (Al-Ahzab 56)
Sholawat miturut bahasa dipun pundut saking lafal as-sholat ingkang artosipun ndungo utawi nyeyuwun. Tegese nyeyuwun dumateng Gusti Allah supados Kanjeng Nabi lan keluargane tansah pikantuk kesaenan. Meniko pepertelan ingkang dipahami saking bahasa. Lajeng kados pundi pepertelan saking agomo?
Jamaah Jumat Rahimakumullah
Ayat kasebat paring pituduh, bilih Gusti Allah soho poro Malaikat tansah maos sholawat dumateng Kanjeng Nabi. Lan merintahaken tiyang mukmin supados maos salam kagem Kanjeng Nabi. Imam Qurtubi wonten tafsir Qurtubi nyebataken :
وَالصَّلَاةُ مِنَ اللَّهِ رَحْمَتُهُ وَرِضْوَانُهُ، وَمِنَ الْمَلَائِكَةِ الدُّعَاءُ وَالِاسْتِغْفَارُ، وَمِنَ الْأُمَّةِ الدُّعَاءُ وَالتَّعْظِيمُ لِأَمْرِهِ
Artosipun: Sholawat saking Gusti Allah maknane rahmat lan ridlo, sholawat saking malaikat maknane dungo lan istighfar, sholawat saking menungso maknane dungo dan ngegungaken Kanjeng Nabi Muhammad Saw.
Imam Qurtubi dawuhaken bilih maksud sholawat saking Gusti Allah niku rohmat lan ridone Gusti Allah dumawah kagem Kanjeng Nabi. Lajeng maksud sholawat saking poro malaikat niku waosan istighfar kagem Kanjeng Nabi supados sedoyo keluputane dipun ngapuro.
Menawi maksud waosan sholawat salam saking tiyang mukmin meniko maksudipun dungo, ngakoni, ngormati dumateng Kanjeng Nabi Muhammad ingkang dados utusane Gusti Allah. Dungo ing bab niki minongko dados tawasul. Lajeng ngakoni lan ngormati Kanjeng Nabi niku sejatine kalebet tondo raos trisno, tawasul soho nderek dumateng Nabi Muhammad.
...........
